zurück zur Übersicht

| Platt in‘t Radio (Martinshuus Rendsburg)

Sülvst Radio maken un dat ok noch op Plattdüütsch oder Freesch? Dat geiht! De Offene Kanal Schleswig-Holstein bütt Börgerslüüd op verscheden Frequenzen Ruum för egen Bidrääg. In en Seminar wiest Kerstin Wehrmann vun’n Offenen Kanal un Jan Graf vun’n SHHB den Weg vun de Idee över Interview-maken un O-Ton-snieden bet hen na dat fardige Höörstück. Woans kriegt Ji dat Stück denn op den Offenen Kanal an’t Lopen, un wat för journalistische Grundlagen schüllt Ji beachten – ok dat wart Thema ween. Vele Platt- un Freeschsprekers bekrittelt, dat de Medien so wenig Programme in ehr Spraak bringt. Wokeen de Saak nu sülvst in de Hand nehmen will, de kriggt hier sien Basisinfos. Kosten deit de ganze Dag 27,00 € - dor is en lütten Imbiss un Kaffee bi’t Begröten, wat Koles to’n Drinken, dat Meddageten un ok noch Kaffee un Koken mit bi. Anmellen kann een sik bet to’n 13. September bi Jan Graf ünner j.graf@heimatbund.de.
Datum:
21.09.2019
Uhrzeit:
10:00 - 17:00 Uhr
Ort:
Martinshuus, Kanalufer 48, 24768 Rendsburg
Referent: